គ្រោះថ្នាក់ចរាចរណ៍សម្រាប់ថ្ងៃទី២៦ ខែឧសភា ឆ្នាំ២០១៨ ស្លាប់៤នាក់ របួស៧នាក់
ភ្នំពេញ ៖ យោងតាមរបាយការពីនាយកដ្ឋានចរាចរណ៍ និងសណ្តាប់ធ្នាប់សាធារណៈនៃអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី២៧ ខែឧសភា ឆ្នាំ២០១៨ មានហេតុការណ៍គ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៥លើក(យប់២លើក) បណ្តាលឲ្យមនុស្សស្លាប់ ៤នាក់(ស្រី១នាក់) រងរបួសធ្ងន់ ១នាក់ របួសស្រាល៦នាក់(ស្រី៤នាក់) មិនពាក់ពួកសុវត្ថិភាពេលគ្រោះថ្នាក់ ៤នាក់(យប់២នាក់) ។
នៅក្នុងករណីគ្រោះថ្នាក់ចរាចរណ៍ទាំង៥លើកនេះ បានបង្កឲ្យមានការខូចខាតយានយន្តសរុប ៨គ្រឿង ក្នុងនោះមានម៉ូតូ ៣គ្រឿង រថយន្តតូច ៤គ្រឿង រថយន្តធំ ១គ្រឿង ។
របាយការណ៍ខាងលើឲ្យដឹងបន្តថា មូលហេតុដែលបណ្តាលឲ្យកើតមានហេតុការណ៍គ្រោះថ្នាក់ចរាចរណ៍ គឺបណ្តាលមកពី ល្បឿន ២លើក(ស្លាប់១នាក់) មិនគោរពសិទ្ធិ ១លើក(ស្លាប់១នាក់) បត់គ្រោះថ្នាក់ ១លើក(ស្លាប់១នាក់) ងងុយដេក ១លើក(ស្លាប់១នាក់) ។
គ្រោះថ្នាក់នៅលើដងផ្លូវ មានផ្លូវជាតិ ៤លើក ផ្លូវខេត្ត ១លើក ។ ដោយឡែក យានយន្តដែលបង្កហេតុ រួមមាន ម៉ូតូ ១លើក រថយន្តតូច ៤លើក ។
ខេត្ត-រាជធានី ដែលមានគ្រោះថ្នាក់ និងរងគ្រោះថ្នាក់ រួមមាន ៖ ខេត្តព្រៃវែង ២លើក ស្លាប់២នាក់ របួស១នាក់, ព្រះសីហនុ ១លើក ស្លាប់១នាក់ របួស៤នាក់(ស្រី៣នាក់) និងខេត្តស្វាយរៀង ១លើក ស្លាប់១នាក់(ស្រី) ។
របាយការណ៍គ្រោះថ្នាក់ចរាចរណ៍ផ្លូវគោកទូទាំងប្រទេស រយៈពេល២៧ថ្ងៃ ចាប់គិតពីថ្ងៃទី០១ ដល់ ថ្ងៃទី២៧ ខែឧសភា ឆ្នាំ២០១៨ កើតឡើងចំនួន ២២៥លើក បណ្តាលឲ្យមនុស្សស្លាប់ចំនួន ១២១នាក់ របួសសរុប ២៩៧នាក់ របួសធ្ងន់ ២០៧នាក់ របួសស្រាល ៩០នាក់ ៕
ប្រភព៖ អគ្គស្នងការដ្ឋាននគរបាលជាតិ-General Commissariat of National Police
No comments